ປາຖະກະຖາລະນຶກ ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 110 ປີ.

ປາຖະກະຖາລະນຶກ ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 110 ປີ.
    ໃນວັນທີ 5 ກໍລະກົດ 2019 ຄະນະໂຄສະນາອົບຮົມແຂວງຄຳມ່ວນໄດ້ຈັດປາຖະກະຖາລະນຶກ ວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 110 ປີ (13/7/1909-13/7/2019). ໂດຍການເປັນກຽດປາຖະກະຖາ ຂອງທ່ານ ສຸກສະຫວາດ ລັດຖະຈັກ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງຄໍາມ່ວນ

 ມີບັນດາຫົວໜ້າພະແນກ, ຮອງຫົວໜ້າພະແນກ, ພະນັກງານ, ທະຫານ, ຕໍາຫຼວດ, ຕະຫຼອດເຖີງນັກສຶກສາເຂົ້າຮ່ວມຮັບຟັງທັງໝົດ 444 ຄົນ, ຍິງ 178 ຄົນ.
ທ່ານ ສຸກສະຫວາດ ລັດຖະຈັກ ໄດ້ຍົກໃຫ້ເຫັນເຖີງຊີວິດ ແລະ ການເຄືອນໄຫວປະຕິວັດ ຂອງທ່ານ ປະທານ ສຸພານຸວົງ ເກີດວັນທີ 13/7/1909 ທີ່ແຂວງຫຼວງພະບາງ, ໃນຄອບຄົວເຊື້ອເຈົ້າ,ປະທານ ສຸພານຸວົງ ແມ່ນເປັນຜູ້ນໍາທີ່ມີຄວາມຈົງຮັກພັກດີຕໍ່ອຸດົມການປະຕິວັດຢ່າງເດັດຂາດ , ມີຈິດໃຈຕໍ່ສູ້ຢ່າງກ້າແກ່ນພິລະອາດຫານ , ອາຍຸໄດ້ 7 ປີ ທ່ານໄດ້ເຂົ້າຮຽນຢູ່ໂຮງຮຽນປະຖົມສຶກສາທີ່ຫຼວງພະບາງ, ເພິ່ນເປັນນັກຮຽນທີ່ຂະຫຍັນໝັ່ນພຽນ ແລະ ມີພອນສະຫວັນໃນຫຼາຍດ້ານ, ຮຽນເກັ່ງ ແລະ ສອບເສັງໄດ້ຄະແນນດີເລີດມາຕະຫຼອດຈົນຈົບຊັ້ນປະຖົມສົມບູນ, ໃນກາງປີ 1920 ທ່ານໄດ້ເດີນທາງໄປຮຽນຕໍ່ມັດທະຍົມ ທີ່ຮ່າໂນ້ຍ ປະເທດຫວຽດນາມ, ປີ 1931 ທ່ານໄດ້ໄປສຶກສາຕໍ່ທີ່ປະເທດຝຣັ່ງ, ເພີ່ນສາມາດເວົ້າໄດ້ເຖີງ 10 ພາສາ ທີ່ໃຊ້ໃນສາກົນ, ປີ 1937 ປະທານ ສຸພານຸວົງ ໄດ້ຮັບປະກາດສະນີຍະບັດວິສາວະກອນຂົວທາງທີ່ຝຣັ່ງ ເປັນຄົນທໍາອິດຂອງປະເທດລາວ, ຕໍ່ມາທ່ານໄດ້ຖືກແຕ່ງຕັ້ງໄປຮັບລາຊະການ ຢູ່ເມືອງພີນ ແຂວງສະຫວັນນະເຂດ ເພື່ອສ້າງທາງເລກທີ 23 ແລະ ຂົວເຊບັ້ງຫຽງ , ໃນເວລາຮັບໜ້າທີ່ລາຊະການຢູ່ຫວຽດນາມ, ກຳປູເຈຍ ແລະ ລາວ, ປະທານ ສຸພານຸວົງ ໄດ້ສ້າງຜົນງານຫລາຍຢ່າງ ອັນເປັນທີຍອມຮັບໃນຖານະວິສະວະກອນທີມີຄວາມຮູ້, ຄວາມສາມາດ ແລະ ເຮັດແທ້ທຳຈີງ, ປະທານສຸພານຸວົງ ໄດ້ພົບກັບປະທານໂຮ່ຈີມິນ, ເພິ່ນໄດ້ຮັບການຊີ້ນຳ ແລະ ການຊ່ວຍເຫຼືອຈາກ ປະທານ ໂຮ່ຈີມິນ ໃຫ້ຈັດຕັ້ງກອງທະຫານປະສົມ ລາວ - ຫວຽດນາມ ຂື້ນຢູ່ລາວ ເພື່ອດໍຳເນີນການຕໍ່ສູ້ຕ້ານພວກລ່າເມືອງຂື້ນຝຣັ່ງ ຍາດເອົາຄວາມເປັນເອກະລາດມາໃຫ້ລາວ ການພົບປະໃນຄັ້ງນັ້ນໄດ້ສ້າງຄວາມປະທັບໃຈອັນເລິກເຊິ່ງທີ່ສຸດໃນຊີວິດການເຄືອນໄຫວປະຕິວັດ ຂອງປະທານ ສຸພານຸວົງ ທ່ານເປັນໜື່ງໃນບັນດາຜູ້ນໍຳທີ່ດີເດັ່ນ ແລະ ເຄົາລົບຮັກຂອງປະຊາຊົນລາວບັນດາເຜົ່າ, ທ່ານເປັນຄົນດຸໝັ່ນສຶກສາຮໍ່າຮຽນທິດສະດີມາກ-ເລນິນເພື່ອໃຫ້ຕົນເອງມີຄວາມຮູ້ຄວາມສາມາດສູງປະກອບເຂົ້າໃນການສ້າງສາພັດທະນາປະເທດຊາດ. ໃນໂອກາດດັ່ງກ່າວທ່ານ ສຸກສະຫວາດ ລັດຖະຈັກ ຍັງໄດ້ຮຽກຮ້ອງໃຫ້ພະນັກງານ, ສະມາຊິກພັກຈົ່ງຮັກສາມູນເຊື້ອພິລະອາດຫານ ຂອງຊາດເອົາໄວ້ ໃຫ້ຢູ່ກັບຄົນລາວຕະຫຼອດໄປ.

ຂ່າວທີ່ໄດ້ຮັບຄວາມນິຍົມ

ສາລະໜ້າຮູ້

ກິດຈະກຳ