ກອງປະຊຸມສະຫຼຸບປະເມີນຜົນການຈັດຕັ້ງປະຕິບັດຄຳຂວັນ ແລະ ຂໍ້ແຂ່ງຂັນ 3 ດີ.

ສ້າງຂື້ນເມື່ອ ວັນຈັນ, 23 ທັນວາ 2019 04:02
ຂຽນໂດຍ ຄອຂ ຄຳມ່ວນ

ກອງປະຊຸມສະຫຼຸບປະເມີນຜົນການຈັດຕັ້ງປະຕິບັດຄຳຂວັນ ແລະ ຂໍ້ແຂ່ງຂັນ 3 ດີ.
    ໃນວັນທີ່ 8 ພຶດສະພາ 2019 ໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງໄດ້ຈັດກອງປະຊຸມສະ ຫຼຸບປະເມີນຜົນການຈັດຕັ້ງປະຕິບັດຄຳຂວັນ ແລະ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວໄລຍະ II (2018-2019) ແລະ ທິດທາງແຜນການຈັດຕັ້ງປະຕິບັດຂໍ້ແຂ່ງຂັນ 3 ດີໃນຕໍ່ໜ້າ.

ໂດຍການເປັນປະທານຂອງທ່ານ ນາງ ບຸນເລີດ ສີຫາລາດ ປະທານໜ່ວຍສະຫະພັນແມ່ຍິງ ຄະນະໂຄສະນາອົບຮົມແຂວງ, ກອງປະຊຸມໄດ້ເປັນກຽດຮັບຕ້ອນການເຂົ້າຮ່ວມຂອງທ່ານ ອຸດອນ ສຸດທິລາດ ຮອງເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານຈັດຕັ້ງມະຫາຊົນ ແລະ ທ່ານ ນາງ ບຸນຊ່ຽນ ມະນີວັນ ຮອງປະທານຄະນະບໍລິຫານງານ ສະຫະພັນແມ່ຍິງແຂວງ, ມີຜູ້ແທນເຂົ້າຮ່ວມທັງໝົດ 26 ທ່ານ, ຊາຍ 3 ທ່ານ.
ກອງປະຊຸມໄດ້ຮັບຟັງການລາຍງານບົດສະຫຼຸບປະເມີນຜົນຄຳຂວັນ ແລະ ຂໍ້ແຂ່ງຂັນ 3 ດີຂອງໜ່ວຍໃນໄລຍະທີ່ຜ່ານມາໄດ້ຈັດຕັ້ງເຊື່ອມຊຶມ ແລະ ປະຕິບັດໄປພ້ອມໆຜັນຂະຫຍາຍມະຕິກອງປະຊຸມໃຫຍ່ຄັ້ງທີ່ VII ຂອງແມ່ຍິງລາວ, ມະຕິກອງປະຊຸມໃຫຍ່ຄັ້ງທີ່ IX ຂອງອົງຄະນະພັກແຂວງ, ມະຕິກອງປະຊຸມໃຫຍ່ຄັ້ງທີ່ IX ຂອງຄະນະບໍລິຫານງານສະຫະພັນແມ່ຍິງແຂວງ,  ມະຕິກອງປະຊຸມໃຫຍ່ຄັ້ງທີ່ III ຂອງໜ່ວຍສະຫະພັນແມ່ຍິງຄະນະໂຄສະນາອົບຮົມແຂວງ ກ່ຽວກັບການສ້າງຂະບວນການແຂ່ງຂັນຮັກຊາດ ແລະ ພັດທະນາ ການຈັດຕັ້ງເນື້ອໃນ 4 ບຸກທະລຸຂອງພັກ ແລະ ແຜນພັດທະນາແມ່ຍິງແຂວງຄຳມ່ວນ 2015-2019 ມີ 8 ແຜນງານ ແລະ 22 ໂຄງການໃນນັ້ນການຈັດຕັ້ງປະຕິບັດຂໍ້ແຂ່ງຂັນ 3 ດີ ແມ່ນນອນຢູ່ໃນແຜນງານທີ່ II ໂຄງການທີ່ 9 ທີ່ເວົ້າເຖິງການຈັດຕັ້ງປະຕິບັດຂໍ້ແຂ່ງຂັນ 3 ດີຂອງໜ່ວຍສະຫະພັນແມ່ຍິງລາວຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ. ພ້ອມທັງຜ່ານລາຍຊື່ບຸກຄົນສະມາຊິກສະຫະພັນແມ່ຍິງ 3 ດີຂອງໜ່ວຍຊຶ່ງປະກອບມີບຸຄົນ 3 ດີ ປະເພດ I ມີ 13 ທ່ານ, ປະເພດ II ມີ 2 ທ່ານ.
ພ້ອມດຽວກັນນັ້ນຄະນະຜູ້ແທນກໍ່ໄດ້ຮັບຟັງການໂອ້ລົມຂອງທ່ານນາງ ບຸນຊ່ຽນ ມະນີວັນ ເພື່ອເປັນທິດຊີ້ນຳໃນການຈັດຕັ້ງປະຕິບັດ ແລະ ຜັນຂະຫຍາຍວຽກງານຂໍ້ແຂ່ງຂັນ 3 ດີໃນໄລຍະຕໍ່ໄປພ້ອມທັງນຳໄປຜັນຂະຫຍາຍພາຍໃນໜ່ວຍຂອງຕົນໃຫ້ປະກົດຜົນເປັນຈິງ.