ເປີດຊຸດຝຶກອົບຮົມເປົ້າໝາຍຂະຫຍາຍເຂົ້າພັກໃຫ້ແກ່ມະຫາຊົນຜູ້ກ້າວໜ້າ.

ສ້າງຂື້ນເມື່ອ ວັນຈັນ, 23 ທັນວາ 2019 04:16
ຂຽນໂດຍ ຄອຂ ຄຳມ່ວນ

ເປີດຊຸດຝຶກອົບຮົມເປົ້າໝາຍຂະຫຍາຍເຂົ້າພັກໃຫ້ແກ່ມະຫາຊົນຜູ້ກ້າວໜ້າ.

  ພິທີຝຶກອົບຮົມເປົ້າໝາຍຂະຫຍາຍເຂົ້າພັກໃຫ້ແກ່ມະຫາຊົນຜູ້ກ້າວໜ້າຢູ່ພະແນກການອອ້ມຂ້າງແຂວງປະຈຳປີ 2019,ຂອງຄະນະໂຄສະນາອົບຮົມແຂວງຄຳມ່ວນໄດ້ໄຂຂື້ນຢ່າງເປັນທາງການໃນວັນທີ່ 7 ມີຖຸນາ 2019 ໂດຍການເປັນປະທານຂອງທ່ານ ແກ້ວວັນໄຊ ສຸກແສນທອງ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ.

ມີຜູ້ຝຶກອົບຮົມທັງໝົດ 140 ຄົນ, ຍິງ 67 ຄົນ.
   ຈຸດປະສົງໃນການເປີດອົບຮົມໃນຄັ້ງນີ້ ເພື່ອເຮັດໃຫ້ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າພັກປະຊາຊົນປະຕິວັດລາວເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ, ຮັບຮູ້ ແລະ ເຂົ້າໃຈກ່ຽວກັບເງື່ອນໄຂມາດຖານຜູ້ທີ່ຈະເຂົ້າເປັນສະມາຊິກພັກ, ຜົນປະໂຫຍດ ແລະ ພັນທະຂອງສະມາຊິກພັກ. ການອົບຮົມ ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າໄດ້ຝຶກຝົນຫຼໍ່ຫຼອມຕົນເອງໃຫ້ໄດ້ມາດຖານ, ເງື່ອນໄຂຄົບຖ້ວນກຽມພ້ອມເຂົ້າເປັນສະມາຊິກຮູ້ໄດ້ຜົນງານ ແລະ ມູນເຊື້ອຂອງພັກເພື່ອໃຫ້ມີຄວາມຕື່ນຕົວສະໝັກໃຈເຂົ້າເປັນສະມາຊິກພັກ ປະຊາຊົນ ປະຕິວັດລາວ ເພື່ອເພີ່ມກຳລັງແຮງສູ້ຮົບໃຫ້ແກ່ພັກ ນັບມື້ຫຼາຍຂື້ນໃນແຕ່ລະຮາກຖານຂອງພັກ. ເຊິ່ງເນື້ອໃນເອກະສານທີ່ຄົ້ນຄວ້າປະກອບມີ 11 ຄໍຳຖາມ-ຄໍຳຕອບ,
   ໃນຕອນທ້າຍທ່ານ ແກ້ວວັນໄຊ ສຸກແສນທອງ ຍັງໄດ້ມອບໃບຢັ້ງຢືນ ແລະ ຮຽກຮ້ອງໃຫ້ບັນດາສະຫາຍຕ້ອງຝຶກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ເພື່ອໃຫ້ຕົນເອງກາຍເປັນບຸກຄົນດີເດັ່ນໃນຂະບວນການຮັກຊາດ ແລະ ພັດທະນາ, ກາຍເປັນສະມາຊິກພັກ ກຽມພ້ອມຮັບໃຊ້ປະຊາຊົນກໍ່ຄືຮັບໃຊ້ໜ້າທີ່ວຽກງານທີ່ພັກ-ລັດ ແລະ ການຈັດຕັ້ງມອບໝາຍໃຫ້ໄດ້ຮັບດ້ວຍໝາກຜົນສຳເລັດສູງ.