ຄະນະໂຄສະນາອົບຮົມແຂວງລົງຊຸກຍູ້ເຊື່ອມຊຶມເອກະສານສຳຄັນຂອງພັກຢູ່ຂັ້ນເມືອງ.

ສ້າງຂື້ນເມື່ອ ວັນພຸດ, 23 ມີຖຸນາ 2021 08:04
ຂຽນໂດຍ ຄອຂ ຄຳມ່ວນ

ຄະນະໂຄສະນາອົບຮົມແຂວງລົງຊຸກຍູ້ເຊື່ອມຊຶມເອກະສານສຳຄັນຂອງພັກຢູ່ຂັ້ນເມືອງ.

     ໃນວັນທີ 17-18 ມີຖຸນາ 2021 ຄະນະໂຄສະນາອົບຮົມແຂວງ ລົງຕິດຕາມຊຸກຍູ້ເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຢູ່ຂັ້ນເມືອງປະກອບມີເມືອງ

ມະຫາໄຊ, ຍົມມະລາດ, ນາກາຍ, ໄຊບົວທອງ ແລະ ບົວລະພາ ນຳໂດຍສະຫາຍ ສົມພົງ ວັນໄພທອງ ກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ.

     ຈຸດປະສົງໃນການລົງເຄື່ອນໄຫວຄັ້ງນີ້ແມ່ນ ເພື່ອໃຫ້ທິດຊີ້ນໍາແຜນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງ ແຕ່ຂັ້ນເມືອງຮອດຮາກຖານບ້ານ, ໂດຍຜ່ານມາທັງ 5 ເມືອງແມ່ນໄດ້ຈັດຕັ້ງເຊື່ອມຊຶມສຳເລັດໃຫ້ຄະນະພັກຂັ້ນເມືອງ ແລະ ກຳລັງຈະສຶບຕໍ່ເຜີຍແຜ່ໃຫ້ສະມາຊິກພັກພາຍໃນເມືອງ ແລະ ຢູ່ຂັ້ນບ້ານ, ໂດຍເລັ່ງໃສ່ແຕ່ລະເປົ້າໝາຍເຂົ້າຮ່ວມຊຶ່ງຢູ່ຂັ້ນບ້ານແມ່ນໄດ້ກຳນົດເອົາແຕ່ຜູ້ມີອາຍຸ 18 ປີຂຶ້ນໄປໃຫ້ໄດ້ເຂົ້າຮ່ວມເຊື່ອມຊຶມຢ່າງທົ່ວເຖິງ ແລະ ຮັດແໜ້ນບັນດາເນື້ອໃນເອກະສານເຫັນໄດ້ໝາກຜົນອັນສຳເລັດຕາມຄາດໝາຍທີ່ໄດ້ກຳນົດໄວ້ ແລະ ໄດ້ຖືໂອກາດຢ້ຽມຢາມຄະນະໂຄສະນາອົບຮົມແຕ່ລະເມືອງ ສະຫາຍໄດ້ໃຫ້ທິດຊີ້ນຳໃນການຈັດຕັ້ງປະຕິບັດໜ້າທີ່ວຽກງານສຳເລັດຕາມພາລະບົດບາດ, ສິດ ແລະ ໜ້າທີ່ຄວາມຮັບຜິດຊອບຕາມຄາດໝາຍຂອງຕົນທີ່ໄດ້ກຳນົດໄວ້.