ຄະນະໂຄສະນາອົບຮົມແຂວງສົມທົບກັບຄະນະນຳຂັ້ນແຂວງລົງຊຸກຍູ້ ແລະ ຕິດຕາມການຈັດຕັ້ງຜັນຂະຫຍາຍເຊື່ອມຊຶມມະຕິທີ່ເມືອງຫີນບູນ.

ສ້າງຂື້ນເມື່ອ ວັນສຸກ, 02 ກໍລະກົດ 2021 02:30
ຂຽນໂດຍ ຄອຂ ຄຳມ່ວນ

 

ຄະນະໂຄສະນາອົບຮົມແຂວງສົມທົບກັບຄະນະນຳຂັ້ນແຂວງລົງຊຸກຍູ້ ແລະ  ຕິດຕາມການຈັດຕັ້ງຜັນຂະຫຍາຍເຊື່ອມຊຶມມະຕິທີ່ເມືອງຫີນບູນ.

     ໃນວັນທີ 29 ມີຖຸນາ 2021 ຄະນະໂຄສະນາອົບຮົມແຂວງສົມທົບກັບຄະນະນຳຂັ້ນແຂວງລົງຊຸກຍູ້ ແລະ  ຕິດຕາມການຈັດຕັ້ງຜັນຂະຫຍາຍເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳມ່ວນ ຢູ່ທີ່ເມືອງຫີນບູນ ນຳໂດຍ ສະຫາຍ ບຸນມີ ພິມມະສອນ ຮອງເລຂາພັກແຂວງ, ປະທານສະພາປະຊາຊົນແຂວງຄຳມ່ວນ.

ມີບັນດາຄະນະພັກຂັ້ນເມືອງເຂົ້າຮ່ວມ. ຜ່ານມາເມືອງຫິນບູນແມ່ນໄດ້ຈັດຕັ້ງຜັນຂະຫຍາຍເຊື່ອມຊຶມມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງຄຳມ່ວນ ສຳເລັດແລ້ວ 3 ຊຸດ.

     ໃນໂອກາດດັ່ງກ່າວທາງຄະນະໂຄສະນາອົບຮົມແຂວງມີທຶນສົມທົບເມືອງຈຳນວນ 10,000,000 ກີບເພື່ອຮັບໃຊ້ເຂົ້າໃນການຈັດຕັ້ງຜັນຂະຫຍາຍເຊື່ອມຊຶມເປັນກຽດມອບໂດຍສະຫາຍ ບຸນມີ ພິມມະສອນ ຮອງເລຂາພັກແຂວງ, ປະທານສະພາປະຊາຊົນແຂວງຄຳມ່ວນ ພ້ອມດຽວກັນນັ້ນສະຫາຍຍັງໄດ້ມີຄຳເຫັນຊີ້ນຳຕໍ່ກອງປະຊຸມ ແລະ ຮຽກຮ້ອງມາຍັງຄະນະພັກຂັ້ນເມືອງໃຫ້ເອົາໃຈໃສ່ໃນຈັດຕັ້ງເຊື່ອມຊຶມເນື້ອໃນເອກະສານໃຫ້ທົ່ວເຖິງທຸກເປົ້າໝາຍ, ເກັບກຳສະພາບແນວຄິດຫາງສຽງສັງຄົມ, ເກັບກຳບັນດາຜູ້ທີຍັງບໍ່ທັນໄດ້ເຂົ້າຮ່ວມ, ຊຸກຍູ້ການຜະລິດໃຫ້ເປັນສິນຄ້າ, ກຽມຄວາມພ້ອມໃນການຮັບມືຕໍ່ໄພພິບັດທາງທຳມະຊາດ, ຕິດຕາມປ້ອງກັນພະຍາດໂຄວິດຢ່າງໃກ້ສິດແຕ່ລະເປົ້າໝາຍໂດຍສະເພາະບ້ານທີ່ຕິດກັບຊາຍແດນ,  ແກ້ໄຂບັນຫາປະກົດການຫຍໍ້ທໍ້ທີ່ພົ້ນເດັ່ນຕ່າງໆເພື່ອເຮັດໃຫ້ສັງຄົມມີຄວາມສະຫງົບ ແລະ ປອດໄພ.