ເມືອງຍົມມະລາດເປີດຝຶກອົບຮົມວຽກງານໂຄສະນາ-ປາຖະກະຖາ.

ລາຍລະອຽດ

ສ້າງຂື້ນເມື່ອ ວັນພະຫັດ, 03 ພະຈິກ 2022 08:08

ຂຽນໂດຍ ຄອຂ ຄຳມ່ວນ

     ຄະນະໂຄສະນາອົບຮົມແຂວງຮ່ວມກັບຄະນະໂຄສະນາອົບຮົມເມືອງຍົມມະລາດເປີດກອງປະຊຸມຝຶກອົບຮົມວຽກງານໂຄສະນາປາຖະກະຖາໃຫ້ພະນັກງານຫລັກແຫລ່ງ ແລະ ນາຍບ້ານອ້ອມຂ້າງເມືອງໃນວັນທີ 5-6 ມິຖຸນາ 2022 ທີ່ສະໂມສອນ ເມືອງຍົມມະລາດ

ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ສົມພົງ ວັນໄພທອງ ຄະນະກຳມະການປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ທ່ານ ຄູນສີ ແສງດາລາ ຮອງເລຂາພັກເມືອງຍົມມະລາດ, ພ້ອມດ້ວຍຄະນະ, ມີນັກສໍາມະນາກອນເຂົ້າຮ່ວມຈຳນວນທັງໝົດ 54  ທ່ານ, ຍິງ 06 ທ່ານ, ໂດຍປະຕິບັດຕາມໂຄງການຫຼັກສູດຂອງຄະນະໂຄສະນາອົບຮົມສູນກາງພັກ, ເອກະສານທີ່ໃຊ້ເຂົ້າໃນການຝຶກອົບຮົມປະກອບມີ 5 ເນື້ອໃນຄື: 1: ບັນຫາພື້ນຖານຂອງວຽກງານໂຄສະນາ, 2: ການໂຄສະນາຜ່ານສື່, 3: ຄຸນລັກສະນະ ແລະ ສິນລະປະໃນການປາກເວົ້າ, 4: ບັນດານິຕິກຳ ແລະ ບາງບົດຮຽນໃນການເຄື່ອນໄຫວວຽກງານໂຄສະນາ, 5: ການໂຄສະນາດ້ວຍລະບົບໂທລະໂຄ່ງ.

     ການຝຶກອົບຮົມຄັ້ງນີ້ ເພື່ອຍົກລະດັບວິຊາສະເພາະກ່ຽວກັບຄວາມຮູ້ພື້ນຖານຂອງວຽກງານໂຄສະນາ, ຄຸນລັກສະນະ ແລະ ສິນລະປະໃນການປາກເວົ້າການຂຽນ ໃຫ້ຜູ້ທີ່ເຮັດວຽກງານການເມືອງແນວຄິດ ຢູ່ຂັ້ນພະນັກງານຫຼັກແຫຼ່ງ ແລະ ນາຍບ້ານ, ຮອງນາຍບ້ານ ອ້ອມຂ້າງເມືອງຍົມມະລາດ ໃຫ້ສອດຄ່ອງໃນການເຄື່ອນໄຫວວຽກງານ ໂຄສະນາ ປາຖະກະຖາໃນໄລຍະໃໝ່, ພາຍຫຼັງສໍາເລັດການຜ່ານເອກະສານທັງ 5 ບົດແລ້ວທາງຄະນະກໍ່ຍັງໄດ້ຈັດແບ່ງອອກເປັນ 5 ຫນ່ວຍເພື່ອໃຫ້ແຕ່ລະໜ່ວຍໄດ້ຂື້ນມາສາທິດບົດຂອງຕົນ ໃນການຈັດແບ່ງໜ່ວຍນີ້ກໍ່ເພື່ອໃຫ້ນັກສຳມະນາກ່ອນໄດ້ມີໂອກາດຝຶກຜົນການປາຖະກະຖາ ແລະ ຖອດຖອນແລກປ່ຽນບົດຮຽນໄປພ້ອມເພື່ອໄປປະຕິບັດຕົວຈິງຢູ່ຂັ້ນຂອງຕົນ. ພາຍຫລັງສຳເລັດການຝືກອົບຮົມຄະນະໂຄສະນາອົບຮົມແຂວງກໍໄດ້ມອບໃບຢັ້ງຢືນໃຫ້ແກ່ນັກສຳມະນາກອນທີ່ເຂົ້າຮ່ວມ ເພື່ອເປັນບ່ອນອີງ ເປັນກຽດມອບໃບຢັ້ງຢືນໂດຍ ທ່ານ ສົມພົງ ວັນໄພທອງ ແລະ ຍັງໄດ້ມີຄຳເຫັນໂອ້ລົມ, ຮຽກຮ້ອງມາຍັງຜູ້ທີ່ເຂົ້າຮ່ວມຝືກອົບຮົມທຸກທ່ານຕ້ອງສືບຕໍ່ເອົາໃຈໃສ່ເສີມຂະຫຍາຍເນື້ອໃນເອກະສານດັ່ງກ່າວໃຫ້ກວ້າງຂວາງເລິກເຊິ່ງ ພ້ອມນຳເອົານິຕິກຳຕ່າງໆລົງເຜີຍແຜ່ສູ່ຮາກຖານໂດຍສະເພາະແມ່ນປະຊາຊົນແຕ່ລະຂົງເຂດ, ເພື່ອສ້າງບຸກຄະລາກອນທີ່ສາມາດເປັນເສນາທິການໃຫ້ຂັ້ນເທິງ. ນໍາພາພໍ່ແມ່ປະຊາຊົນທຸກຊັ້ນຄົນໃຫ້ມີຄວາມຕື່ນຕົວສູງ ແລະ ຄວາມສາມັກຄີປອງດອງກັນພາຍໃນບ້ານ ກໍຄືເມືອງ.

• < ຕໍ່ໄປ
• ຕໍ່ໄປ >