ເມືອງນາກາຍປາຖະກະຖາ ວັນສໍາຄັນຕ່າງໆຂອງຊາດ-ຂອງພັກ.

ລາຍລະອຽດ

ສ້າງຂື້ນເມື່ອ ວັນພະຫັດ, 03 ພະຈິກ 2022 08:45

ຂຽນໂດຍ ຄອຂ ຄຳມ່ວນ

     ໃນຕອນເຊົ້າຂອງວັນທີ 16 ສິງຫາ 2022 ຢູ່ທີ່ສະໂມສອນເມືອງນາກາຍ ໄດ້ຈັດພິທີໂຄສະນາປາຖະກະຖາ ໂດຍການເປັນປະທານຂອງສະຫາຍ ນາງ ບົວກາ ແກ້ວມະນີ ກໍາມະການພັກແຂວງ ເລຂາພັກເມືອງ ເຈົ້າເມືອງໆນາກາຍ,

ມີບັນດາຄະນະປະຈໍາພັກເມືອງ, ກຳມະການພັກເມືອງ, ເລຂາພັກຮາກຖານ, ເລຂາຄະນະໜ່ວຍພັກ, ສະມາຊິກພັກທີ່ມາຈາກສໍານັກງານຫ້ອງການ, ອົງການ, ທະຫານ - ຕຳຫຼວດ,​ ຕະຫຼອດຮອດສະມາຊິກພັກທີ່ມາຈາກບ້ານ ອຸດົມສຸກ ແລະ ບ້ານຫ້ວຍມະໄລ ເຊິ່ງມີຜູ້ເຂົ້າຮ່ວມທັງໝົດ 126 ສະຫາຍ, ຍິງ 38 ສະຫາຍ. ເຊິ່ງພິທີໂຄສະນາປາຖະກະຖາໃນຄັ້ງນີ້ໄດ້ນຳເອົາ 04 ເນື້ອໃນເອກະສານມາຈັດຕັ້ງເຊື່ອມຊຶມມີ.

1.   ວັນລັດຖະທຳມະນູນແຫ່ງ ສປປ ລາວ ຄົບຮອບ 31 ປີ ( 15.8.1991 – 15.8.2022 ).

2.   ວັນຢຶດອຳນາດ ຄົບຮອບ 47 ປີ ​( 13.8.1975 – 23.8.2022 ).

3.   ບົດມູນເຊື້ອການກໍາເນີດ ແລະ ເຕີບໃຫຍ່ຂະຫຍາຍຕົວຂອງອົງການແນວລາວສ້າງຊາດ ຄົບຮອບ 72 ປີ ( 13.8.1950 – 13.8.2022 ).

4.   ປະຫວັດມູນເຊື້ອ ແລະ ຜົນງານທີ່ພົ້ນເດັ່ນຂອງວຽກງານສື່ມວນຊົນ ແລະ ການພິມຈໍາໜ່າຍ ຄົບຮອບ 72 ປີ   ( 13.8.1950 – 13.8.2022 ).

ມາຮອດເວລາ 11:30 ພິທີໂຄສະນາ - ປາຖະກະຖາ ວັນສໍາຄັນຕ່າງໆຂອງຊາດ - ຂອງພັກ ກໍ່ສໍາເລັດລົງດ້ວຍໝາກຜົນອັນຈົບງາມ.

• < ຕໍ່ໄປ
• ຕໍ່ໄປ >