ເມືອງທ່າແຂກຈັດປາຖະກະຖາວັນສຳຄັນຂອງຊາດ-ຂອງພັກ.

ລາຍລະອຽດ

ສ້າງຂື້ນເມື່ອ ວັນອັງຄານ, 28 ມີນາ 2023 07:22

ຂຽນໂດຍ ຄອຂ ຄຳມ່ວນ

      ໃນຕອນເຊົ້າວັນທີ 28 ມີນາ 2023 ຢູ່ທີ່ສະໂມສອນຫ້ອງວ່າການເມືອງທ່າແຂກໄດ້ຈັດພິທີໂຄສະນາ-ປາຖະກະຖາເລົ່າຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວຄົບຮອບ 68 ປີ (22/3/1955-22/3/2023), ວັນເສຍອົງຄະ ແລະ ເສຍສະຫລະຊີວິດເພື່ອປະເທດຊາດຄົບຮອບ 77 ປີ (21/3/1946-21/3/2023) ແລະ ຜັນຂະຫຍາຍເນື້ອໃນກອງປະຊຸມວຽກງານການເມືອງ-ແນວຄິດທົ່ວແຂວງຄຳມ່ວນ ຕິດພັນກັບເນື້ອໃນກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V,

ໂດຍການເຂົ້າຮ່ວມເປັນປະທານຂອງທ່ານ ແກ້ວລັນດອນ ຈັນທະປານີ ກຳມະການປະຈຳພັກແຂວງ, ເລຂາພັກເມືອງ, ເຈົ້າເມືອງໆທ່າແຂກ. ໃຫ້ກຽດເຂົ້າຮ່ວມໂດຍທ່ານ ອຸດອນ ສຸດທິລາດ ຮອງຫົວໜ້າຄະນະໂຄສະນາອົບຮົມແຂວງ, ມີບັນດາຄະນະປະຈຳພັກເມືອງ, ກຳມະການພັກເມືອງ; ໃນນັ້ນ ຜູ້ເຂົ້າຮ່ວມຮັບຟັງມີບັນດາຫົວໜ້າ, ຮອງຫົວໜ້າ, ຫ້ອງການ, ຄະນະພັກຮາກຖານ ແລະ ສະມາຊິກພັກ-ພະນັກງານວິຊາການເຂົ້າຮ່ວມທັງໝົດ113 ຄົນ, ຍິງ 46 ຄົນ.

    ໃນພິທີແມ່ນໄດ້ເລົ່າຄືນມູນເຊື້ອຄວາມໝາຍ,ຄວາມສຳຄັນແຫ່ງການນໍາພາຂອງພັກເຂົ້າໃນການຈັດຕັ້ງປະຕິບັດ ພາລະກິດປ່ຽນແປງໃໝ່ຢ່າງແຂງແຮງ ແລະ ເລິກເຊິ່ງ, ມູນເຊື້ອອັນພິລະອາດຫານແຫ່ງ ການຕໍ່ສູ້ກູ້ຊາດຂອງປະຊາຊົນລາວບັນດາເຜົ່າ ເພື່ອຮັບຮູ້ເຖິງຄວາມເປັນມາ ແລະການຕໍ່ສູ້ອັນດຸເດືອດກ້າແກ່ນຂອງວັນເສຍອົງຄະ ແລະ ເສຍສະຫລະຊີວິດເພື່ອປະເທດຊາດ.

• < ຕໍ່ໄປ
• ຕໍ່ໄປ >