ໃນຕອນເຊົ້າຂອງ ວັນທີ 15 ຕຸລາ 2024, ຄະນໂຄສະນາອົບຮົມແຂວງຄຳມ່ວນເຂົ້າຮ່ວມກອງປະຊຸມສ່ອງແສງລາຍງານການເຄື່ອນໄຫວວຽກງານໂຄສະນາຜ່ານສຶ່ເອເລັກໂຕຣນິກ (ເວັບໄຊ) ປະຈໍາໄຕມາດ III ແລະ ທິດທາງແຜນການປະຈໍາໄຕມາດ IV ປີ 2024 ຮ່ວມກັບກົມຂໍ້ມູນຂ່າວສານ ແລະ ຝຶກອົບຮົມ ແລະ ມີບັນດາຄະນະໂຄສະນາອົບຮົມແຂວງທົ່ວປະເທດ ເຂົ້າຮ່ວມ ໂດຍຜ່ານການປະຊຸມທາງໄກ ພາຍໃຕ້ການເປັນປະທານ ແລະ ກ່າວເປີດກອງປະຊຸມຂອງ ທ່ານ ວັນຕຸລາ ຣັກນຸດ ກໍາມະການຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ມີທ່ານ ນ ບຸນເລີດ ສີຫາລາດ ຫົວໜ້າຂະແໜງສັງລວມ ແລະ ຂໍ້ມູນຂ່າວສານ, ພ້ອມທັງຄະນະຮັບຜິດຊອບວຽກງານຂໍ້ມູນຂ່າວສານ ຂອງຄະນະໂຄສະນາອົບຮົມແຂວງຄຳມ່ວນເຂົ້າຮ່ວມ.
ກອງປະຊຸມ ຄະນະໂຄສະນາອົບຮົມແຕ່ລະແຂວງໄດ້ສ່ອງແສງລາຍງານສະພາບລວມໃນການເຄື່ອນໄຫວວຽກງານໂຄສະນາຜ່ານສື່ເອເລັກໂຕຣນິກ (ເວັບໄຊ) ປະຈໍາໄຕມາດ III ໃນໄລຍະ 3 ເດືອນຜ່ານມາໄດ້ມີບັນດາຜົນສຳເລັດ, ຂໍ້ຄົງຄ້າງ, ທິດທາງແຜນການໃນຕໍ່ໜ້າ ແລະ ຂໍ້ສະເຫນີຂອງບັນດາຄະນະໂຄສະນາອົບຮົມແຂວງ ທົ່ວປະເທດຕໍ່ກອງປະຊຸມຢ່າງກົງໄປກົງມາ, ພ້ອມທັງປຶກສາຫາລືແລກປ່ຽນວິທີການໃນການເຄື່ອນໄຫວຈັດຕັ້ງປະຕິບັດວຽກງານເວັບໄຊຂອງ ຄະນະໂຄສະນາອົບຮົມແຂວງ ທົ່ວປະເທດໃນຮູບແບບເວີຊັ່ນໃໝ່ ໃຫ້ມີຄວາມສະຖຽນລະພາບ, ວ່ອງໄວ ແລະ ມີຄຸນນະພາບສູງ.
ໃນຕອນທ້າຍຂອງກອງປະຊຸມ ທ່ານ ວັນຕຸລາ ຣັກນຸດ ກໍາມະການຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ໄດ້ມີຄໍາເຫັນໂອ້ລົມເຊິ່ງທ່ານໄດ້ຍ້ອງຍໍຊົມເຊີຍຕໍ່ຜົນງານການເຄື່ອນໄຫວວຽກງານຂອງຄະນະໂຄສະນາອົບຮົມແຂວງໃນໄລຍະຜ່ານມາ ແລະ ໄດ້ເນັ້ນໜັກບາງບັນຫາດປັນຕົ້ນແມ່ນ ໃຫ້ສືບຕໍ່ຕິດຕາມກວດກາການເຄື່ອນໄຫວໜ້າເວັບໄຊສຂອງແຂວງຕົນ ບັນດາຄໍລຳຕ່າງໆໃຫ້ມີເນື້ອໃນອຸດົມສົມບູນ ມີການເຜີຍແຜ່ຂໍ້ມູນຂ່າວສານຂອງຄະນະໂຄສະນາອົບຮົມແຂວງ ເຊັ່ນ: ພາລະບົດບາດ, ກົງຈັກການຈັດຕັ້ງ, ບັນດາຂ່າວສານ, ກໍາແໜ້ນບັນດາເນື້ອໃນຂອງເອກະສານຕ່າງໆ, ຍົກສູງຄຸນນະພາບດ້ານເນື້ອໃນເອົາໃຈໃສ່ໃຫ້ມີຫຼາກຫຼາຍຂື້ນກວ່າເກົ່າ ເປັນຕົ້ນແມ່ນການຂຽນບົດຂ່າວ, ບົດຄວາມ, ສາລະໜ້າຮູ້, ເພີ່ມທະວີການຊອກຮູ້ບັນດາຂໍ້ມູນທີ່ເປັນປະໂຫຍດ, ເພີ່ມທະວີການຍາດແຍ່ງເອົາການຊ່ວຍເຫຼືອ ທາງດ້ານທຶນຮອນ ແລະ ອຸປະກອນຮັບໃຊ້ຈາກຄະນະນຳຂອງແຂວງ ໂດຍອີງໃສ່ການຈັດຕັ້ງປະຕິບັດໂຄສະນາເຜີຍແຜ່ທາງສື່ເອເລັກໂຕຣນິກເຊິ່ງຢູ່ເວັບໄຊໂຄສະນາອົບຮົມແຂວງກໍມີຄໍລຳການເຄື່ອນໄຫວຂອງຄະນະນຳຂັ້ນແຂວງ ແລະ ເມືອງ ເພື່ອອຳນວຍຄວາມສະດວກໃນການປະຕິບັດໜ້າທີ່ວຽກງານຂອງພັກ ພ້ອມກັນຍົກສູງຄວາມຮັບຜິດຊອບຂອງຕົນຫັນວຽກງານໂຄສະນາອົບຮົມໄປສູ່ຄຸນະພາບໃໝ່.
