ວັນທີ 30 ພະຈິກ 2023 ສະຫາຍ ອຸດອນ ສຸດທິລາດ ຄະນະພັກ, ຮອງຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມກອງປະຊຸມເຊື່ອມຊຶມ, ຜັນຂະຫຍາຍ ບັນດາຄຳສັ່ງ, ຄຳແນະນຳຂອງສູນກາງພັກ, ຂອງແຂວງ, ວ່າດ້ວຍການກະກຽມ ແລະດຳເນີນ ກອງປະຊຸມໃຫຍ່ 3 ຂັ້ນ ຂອງພັກ ທີ່ສະໂມສອນ ກອງບັນຊາການທະຫານ ເມືອງເຊບັ້ງໄຟ ໂດຍການເປັນປະທານຂອງ ສະຫາຍ ທອງໄຊ ມັງໜໍ່ເມກ ກຳມະການພັກແຂວງ, ເລຂາພັກເມືອງເຊບັ້ງໄຟ, ມີບັນດາຄະນະບໍລິຫານງາຍພັກເມືອງ, ຄະນະພັກເມືອງ, ຫົວໜ້າ, ຮອງຫົວໜ້າຫ້ອງການ, ທະຫານ, ຕຳຫຼວດ ແລະພະນັກງານຫຼັກແຫຼ່ງພາຍໃນເມືອງເຂົ້າຮ່ວມ 123 ສະຫາຍ, ຍິງ 11 ສະຫາຍ.
ກອງປະຊຸມໄດ້ຜ່ານມະຕິຕົກລົງວ່າດ້ວຍການອະນຸມັດເປີດກອງປະຊຸມ ແລະຜັນຂະຫຍາຍບັນດານິຕິກຳຕ່າງໆຂອງພັກ, ຜ່ານຄຳແນະນຳຂອງຄະນະຈັດຕັ້ງສູນກາງເລກທີ 221/ຄຈສພ, ລົງວັນທີ 16 ສິງຫາ 2023 ແລະຄຳແນະນຳຂອງຄະນະປະຈຳພັກແຂວງ ເລກທີ 14/ຄປຈ.ຄມ, ລົງວັນທີ 31 ຕຸລາ 2023, ຜ່ານຄຳສັ່ງແນະນຳຂອງຄະນະປະຈຳພັກແຂວງເລກທີ 12/ຄປຈຂ.ຄມ, ລົງວັນທີ 31 ຕຸລາ 2023, ກ່ຽວກັບການຈັດຕັ້ງເຊື່ອມຊຶມ ແລະຜັນຂະຫຍາຍມະຕິກອງປະຊຸມຄົບຄະນະກາງສະໄໝຂອງຄະນະບໍລິຫານງານພັກແຂວງ, ຜ່ານມະຕິຂອງກົມການເມືອງສູນກາງພັກ ເລກທີ 13/ກມສພ, ລົງວັນທີ 9 ກຸມພາ 2023, ຜ່ານແຈ້ງການຂອງຄະນະຈັດຕັ້ງສູນກາງພັກ ເລກທີ 404/ຄຕສພ, ລົງວັນທີ 31 ຕຸລາ 2023, ຜ່ານບົດສະຫຼຸບຕີລາຄາແຜນພັດທະນາເສດຖະກິດ-ສັງຄົມ 5 ປີຄັ້ງທີ X ຂອງແຂວງ(ໄລຍະກາງສະໄໝ) ພ້ອມກັນນັ້ນກໍໄດ້ມີການປະກອບຄຳເຫັນໃສ່ຄຳຖາມເຈາະຈີ້ມຈາກບັນດາຜູ້ແທນກອງປະຊຸມ. ກອງປະຊຸມໃຊ້ເວລາ 2 ວັນ ແລະຈະໄດ້ປິດລົງໃນວັນທີ 1 ທັນວາ 2023.